Ka përfunduar punimi i muralit të këngëtares Rita Ora në qytetin e Ferizajt.
Ekipi i Mural Fest Kosova ka njoftuar sot për detajet rreth punimit të këtij murali dhe motivin e tij.
“Prej vitesh është shpallur lufta për barazi gjinore dhe vajzat e gratë po triumfojnë dukshëm ne çdo sferë. Rita Ora, përveç se ka dëshmuar veten në fushën e muzikës me suksese të shumta, ajo së fundi përmes projekteve të saj, ka risjellur në pah edhe artin tradicional që po shkon drejt harresës”, thuhet në njoftim.
Tutje, bëhet e ditur se Mural Fest ka qëllim “transformimin e Ferizajt në qytet të muraleve”.
