KFOR-i e ka mirëpritur vendimin e institucioneve të Kosovës për të reduktuar praninë e Policisë së Kosovës përreth ndërtesave komunale të pjesën veriore të vendit.
Përmes një komunikate, KFOR-i ka thwnw se vendimi i marrë në një takim teknik të mbajtur nga Policia e Kosovës, EULEX-i dhe KFOR-i, është një hap i rëndësishëm drejt de-përshkallëzimit të tensioneve dhe promovimit të dialogut. “Në këtë drejtim, KFOR-i pajtohet se ka pasur një përmirësim të situatës së sigurisë në zonë, por është e rëndësishme të sqarohet se pikëpamja jonë nuk është rezultat i një aktiviteti të përbashkët vlerësues. Një vlerësim i përbashkët, në fakt, është një procedurë e ndryshme që kërkon veprime specifike, disponueshmëri të të dhënave dhe vlerësime sistematike në të cilat roli i KFOR-it, siç është rënë dakord ndërmjet NATO-s dhe BE-së, duhet të konsiderohet vetëm si i përshtatshëm dhe t’i nënshtrohet miratimit të komandantit të KFOR-it”, thuhet në njoftim, transmeton KOHA.
Misioni i KFOR-it i drejtuar nga NATO-ja ka thënë se e mbështet plotësisht dialogun e ndërmjetësuar nga BE-ja dhe mbetet në kontakt dhe koordinim të ngushtë me të gjithë bashkëbiseduesit vendorë dhe ndërkombëtarë.
.
.
.