Presidenti i Francës, Emmanuel Macron, i dorëzoi shkrimtarit shqiptar Ismail Kadare dekoratën e “Oficerit të Madh të Legjionit të Nderit”.
Macron mbërriti mbrëmjen e hënë në Tiranë për vizitë zyrtare dyditore.
Në një ceremoni të mbajtur në Pallatin e Brigadave, ku i pranishëm ishte dhe Kryeministri Edi Rama, Macron vlerësoi veprën e shkrimtarit Kadare.
“Të jetosh është të luftosh, thoshte Seneka. Thënien e tij e keni shndërruar në: të shkruash është të luftosh. Ju jeni përfundimisht nga sëra e Solzhenicinit, Kunderës, nga ata që ia rrëmbenit çdo fjalë heshtjes, nga ata që rrezikonit të rëndonit procesverbalin në çdo rresht, nga ata që çdo roman i rrezikonte të ishte epitafi i karrierës së tyre”, u shpreh presidenti francez, transmeton ATA.
Kjo sipas tij, pasi jetuat dhe krijuat si njeri i lirë, në një vend që nuk ishte i tillë.
“Shqipëria e pasluftës më sovjetike se sovjetët, më staliniane se Stalini, nën zgjedhën e hekurt në një pikë të tillë për të cilën folëm pak më përpara. Ju u rritët në një xhevahir arkitekture, qytetin e Gjirokastrës, në një shtëpi të madhe plot dhoma bosh që ju e popullonit me ëndërrat tuaja”, deklaroi Macron.
.
.