Pavarësisht shqetësimeve për inflacion, konsumatorët amerikanë kanë shpenzuar 9.12 miliardë dollarë për blerje online në të ashtuquajturën e premtja e zezë (Black Friday), duke tejkaluar parashikimet.
E ashtuquajtura e premtja e zezë është shprehje për të premten pas Ditës së Falënderimeve që shënohet në Shtetet e Bashkuara.
Zakonisht kjo ditë nis sezonin e blerjeve për festat e fundvitit.
Në këtë sezon të festave, blerjet kanë arritur në 209.7 miliardë dollarë, çka shënon rritje prej 2.5 për qind në krahasim me blerjet e vitit të kaluar prej 205 miliardë dollarësh, transmeton REL.
Pajisjet teknologjike kanë qenë në krye të shitjeve, përfshirë ato si Xbox, dronët dhe MacBook të kompanisë Apple, të përcjella nga lodrat, pajisjet shtëpiake dhe pajisjet për stërvitje.