Qeveritë e Australisë, Bahreinit, Kanadasë, Danimarkës, Gjermanisë, Holandës, Zelandës së Re, Republikës së Koresë, Britanisë së Madhe dhe SHBA-së kanë lëshuar një deklaratë të përbashkët në lidhje me bombardimet e filluara të enjten ndaj rebelëve Houthi në Jemen.
Deklarata citon “konsensusin e gjerë” të komunitetit ndërkombëtar kundër rebelëve Houthi dhe thekson një rezolutë të Këshillit të Sigurimit të OKB-së muajin e kaluar që u bën thirrje rebelëve të ndalojnë sulmet e tyre ndaj anijeve në Detin e Kuq.
Sulmet e filluara të enjten, thuhet në deklaratë, u kryen “në përputhje me të drejtën e natyrshme të vetëmbrojtjes individuale dhe kolektive”, transmeton BBC News.
“Këto goditje precize kishin për qëllim të prishnin dhe degradonin aftësitë që Houthi përdorin për të kërcënuar tregtinë globale dhe jetën e marinarëve ndërkombëtarë në një nga rrugët ujore më kritike në botë”.
Aleatët thonë se “synimi ynë mbetet të zvogëlojmë tensionet dhe të rivendosim stabilitetin në Detin e Kuq”.
.
.