Trajkovic: Marrëveshja e sotme është de-facto ajo e vitit 2016

Politikanja serbe Rada Trajkovic ka reaguar pas arritjes së marrëveshjes për targat e veturave mes Kosovës dhe Serbisë.

“Marrëveshja e sotme është de facto marrëveshja Tahiri-Gjuriq e vitit 2016”, ka shkruar Trajkovic në Twitter.

Të enjten u arrit marrëveshja mes Kosovës dhe Serbisë, e ndërmjetësuar nga Bashkimi Evropian, që parasheh vendosjen e letrave ngjitëse për veturat  me targat serbe që futen në Kosovë dhe ato me targat kosovare që futen në Serbi.

Sipas Trajkovic, kriza në dy pikat kufitare në veri të Kosovës ishte një taktikë që dha rezultat për të arritur implementimin e marrëveshjes.

Today’s agreement is de facto the 2016 Tahiri-Đurić agreement, which foresaw the use of stickers to cover respective state symbols on license plates (inspired by the old Greece-N.Macedonia arrangement). The recent crisis served only as useful tactics to ensure its implementation. https://t.co/AcEuy9kV1o

— Rada Trajkovic (@trajkovic_rada) September 30, 2021