Kryetari i Partisë Demokratike në Shqipëri, Lulzim Basha, është takuar me Kryeministrin e Kosovës, Albin Kurti.
“Është obligim i yni si politikanë të jemi në shërbim të qytetarëve të Kosovës dhe Shqipërisë”, ka thënë Kurti pas takimit më Bashën, transmeton Koha.net.
Ndërkaq Basha, ka thënë se për opozitën e bashkuar, prioritetet e bashkëpunimit me Kosovën janë të qarta.
“Do të bëjmë gjithçka në tregtinë e lirë, në integrimin e lirë të Shqipërisë e të Kosovës. Për t’iu dhënë shanse për punësim qytetarëve tanë, e në veçanti rinisë. Për të ndalur shpopullimin që është produkt i drejtpërdrejtë i korrupsionit dhe kapjes së shtetit nga krimi i organizuar”, ka deklaruar Basha.