Richard Grenell ka thënë se do të shikoj të ri-caktojë një takim tjetër, së shpejti, pasi takimi i paraparë për datën 27 qershor, ndërmjet zyrtarëve të Kosovës dhe atyre të Serbisë, në Shtëpinë e Bardhë, tashmë nuk do të zhvillohet.
Duke reaguar ndaj vendimit të Kryeministrit Avdullah Hoti, për mospjesëmarrje, Grenell ka shkruar në Twitter:
“E kuptojmë vendimin tuaj dhe shikojmë para për të ri-caktuar takimin së shpejti.”
Takimi në Shtëpinë e Bardhë është parë si rinisje e dialogut për normalizimin e marrëdhënieve midis Kosovës dhe Serbisë.
Deri te anulimi i këtij takimi erdhi pasi Zyra e Prokurorit Special në Hagë paraqiti të mërkurën aktakuzë për krime lufte kundër presidentit të Kosovës, Hashim Thaçi.