Të gjitha vendet e Ballkanit Perëndimor kanë nisur përdorimin e vaksinave kundër Covid-19, me përjashtim Kosovën.
Edhe pse nga Ministria e Shëndetësisë ishte paralajmëruar se janë siguruar rreth gjysmë milioni vaksina të kompanisë Pfizer, kjo deri tani del të jetë e pavërtetë.
Në një takim të Komitetit për koordinim dhe vlerësim të situatës me COVID-19, të mbajtur të hënën, pothuajse nuk u diskutua fare se kur do të fillojë vaksinimi, pos që Zemaj tha se “angazhimi ynë ka qenë maksimal për sigurimin e vaksinës në sasi të mjaftueshme për 75 për qind të popullsisë”, pa e cekur se deri ku ka arritur ky proces. Ai nuk pranoi të përgjigjet në pyetjet e REL pas takimit, lidhur me këtë çështje.
Infektologu Ilir Tolaj thotë se vonesa e sigurimit të vaksinës për qytetarët e Kosovës është shqetësuese. Sipas tij, kjo situatë bëhet më shqetësuese kur shihen zhvillimet dhe sigurimi në masë të madhe të vaksinave nga vendet e rajonit.
Lexo më shumë këtu