Kurti takon Lajçakun: ‘Të mos krijojmë çështje të reja, të merremi me të pazgjidhurat’

Kryeministri i Kosovës Albin Kurti ka takuar në Bruksel të dërguarin special të Bashkimit Evropian për dialogun Kosovë-Serbi Miroslav Lajçak.

Pas takimit, Kurti tha se ka zhvilluar një bisedë konstruktive. Gjithashtu, ai theksoi se nuk duhet krijuar ‘çështje të reja’.

“Unë ripohova që dialogu duhet të jetë parimor dhe i përgatitur mirë. Duhet pranoj realitetin dhe të vërtetën, të jetë i barabartë dhe të adresojë çështje të pazgjidhura, jo të krijojë të reja”, ka shkruar Kurti në Twitter.

Constructive discussion with EUSR @MiroslavLajcak.
I reaffirmed that dialogue must be principled and well prepared. It must accept the reality and the truth, be equal and address unresolved issues, not create new ones. pic.twitter.com/ACGMZFI0tN

— Albin Kurti (@albinkurti) April 28, 2021

Ndërsa, në njoftimin e tij pas takimit me Kurtin, diplomati Lajçak tha se në takim është biseduar për detajet e dialogut.

Vizita e Kurtit në Bruksel “ofroi një mundësi të rëndësishme për të vazhduar bisedimet tona të rëndësishme dhe konstruktive nga muaji mars. Ne biseduam për detajet e dialogut dhe për pritjet tona si pjesë e rrugës evropiane të Kosovës”. 

The visit of Kosovo’s Prime Minister @albinkurti to Brussels offered an important opportunity to continue our substantive and constructive discussions from March. We spoke about the details of the Dialogue and both our expectations as part of Kosovo’s European path. pic.twitter.com/iLy6IpSP2G

— Miroslav Lajčák (@MiroslavLajcak) April 28, 2021