Lajçak viziton Berlinin para ‘rifillimit të dialogut’ këtë fundjavë

I dërguari i BE-së për dialogun, Miroslav Lajçak, ka zhvilluar takime në Berlin duke diskutuar për rifillimin e dialogut Kosovë – Serbi që pritet të ndodh këtë fundjavë.

Përmes rrjeteve sociale, Lajçak ka njoftuar se ka takuar presidentin e Gjermanisë, Frank-Walter Steinmeier, kryediplomatin Heiko Maas dhe këshilltarin e Merkelit për Politikë të Jashtme, Jan Hecker.

“Pata bisedime të hollësishme me Presidentin Steinmeier, Ministrin e Jashtëm, Heiko Maas dhe këshilltarin e Merkelit për Politikë të Jashtme, Hecker, në Berlin. Fola rreth dialogut të ndërmjetësuar nga BE-ja, rëndësisë së dialogut të parë të nivelit të lartë më 12 korrik, pas samitit në Paris më 10 korrik”, ka njoftuar Lajçak në Twitter.

Held in-depth discussions with President Steinmeier, Foreign Minister @HeikoMaas & the Chancellor’s Foreign Policy Adviser Hecker in Berlin ????????. Spoke about the ????????-facilitated Dialogue, the importance of the 1st high-level meeting on 12 July, following the Paris Summit on 10 July. pic.twitter.com/224CpBbDNS

— Miroslav Lajčák (@MiroslavLajcak) July 7, 2020

Të premten në Paris do të zhvillohet një “samit virtual” mes Kosovës dhe Serbisë.

Dy ditë më vonë, të dielen, në Bruksel do të takohen kryeministri i Kosovës, Avdullah Hoti, dhe presidenti i Serbisë, Aleksandar Vuçiq, që, sipas BE-së, do të shënojë edhe rifillimin e dialogut për normalizimin gjithpërfshirës të raporteve.