Bashkimi Evropian nga nesër, 1 korrik, do të lejoj hyrjen e qytetarëve nga 14 vende jashta bllokut, të cilësuara si “të sigurta”, përkundër përhapjes së pandemisë.
Në këtë listë nuk bëjnë pjesë Brazili, Shtetet e Bashkuara dhe Kina.
Siç transmeton BBC, në listën aktuale të vendeve “të sigurta” bëjnë pjesë Kanada, Japonia, Mali i Zi, Zelanda e Re, Serbia, Korea e Jugut, Tunisia, Uruguay, Algeria, Australia, Gjeorgjia, Moroko, Rwanda dhe Tailanda.
Ndërsa, BE-ja ka hapur kufijtë për qytetarët brenda vendeve të bllokut, të cilët janë të lirë të lëvizin nën zbatimin e rregullave të caktuara për parandalimin e përhapjes së Covid-19.