Kancelarja gjermane Angela Merkel ka pranuar në Tiranë medaljen për mirënjohje publike nga Kryeministri shqiptar Edi Rama.
“Danke Angela. Kënaqësi e veçantë t’ju nderoj, në emër të Shqipërisë, me Kordonin e madh me yll të Medaljes së Kryeministrit për Mirënjohje Publike”, ka thënë Rama.
Merkel sot po viziton Shqipërinë ku po takohet me liderët e vendeve të Ballkanit Perëndimor si pjesë e Procesit të Berlinit.
“Doja të vija në çdo vend por ishte e pamundur. Do të duhej 3-4 ditë por situata nuk e lejonte. Edi faleminderit. Është shumë bukur këtu, është investim gjerman,” tha Merkel, transmet ABCNews.
Një ditë më parë Merkel ishte në Beograd, ku u takua me presidentin serb Aleksandër Vuçiç.
Kjo është vizita e saj e fundit në Ballkan, derisa pas disa ditësh dorëzon detyrën si kancelare e Gjermanisë.