SHBA lavdëron Kosovën: ‘Lidere kundër ekstremizmit’

Shtetet e Bashkuara të Amerikës kanë përshëndetur rikthimin e shtetasve kosovarë nga zonat e konfliktit në Siri.

Së fundmi, në Kosovë janë riatdhesuar 11 kosovarë të cilët kishin shkuar në pjesë të Sirisë ku kohë më parë kishte konflikte dhe luftë.

Duke shpërndarë postimin e Ministrit të Brendshëm Xhelal Sveçla, ambasada amerikane në Kosovë ka lavdëruar këtë veprim të qeverisë kosovare.

“Kthimi i këtyre shtetasve demonstron vullnetin e Kosovës që të marrë përgjegjësi për shtetasit e saj, teksa vendos shembull edhe për të tjerët. Kosova është lidere në luftën kundër terrorizmit dhe ekstremizmit”, thuhet në postimin e ambasadës amerikane në Prishtinë.

The U.S. commends yesterday's repatriation of Kosovan citizens from conflict zones in Syria. These returns demonstrate Kosovo's willingness to take responsibility for its citizens while setting an example for others. Kosovo is a leader in the fight against terrorism & extremism. https://t.co/QRXTMBc12V

— U.S. Embassy Pristina (@USEmbPristina) July 18, 2021

Rreth 400 shtetas të Kosovës udhëtuan drejt Sirisë dhe Irakut që prej vitit 2011, kur shpërtheu konflikti. Nga ajo kohë janë kthyer mbi 240 qytetarë.