Dita e fundit e samitit të vendeve të G7 pritet të rezultoj me një marrëveshje që do të parashoh masa të rrepta ndaj termocentraleve me qymyr që nuk kanë teknologji për të kontrolluar emitimin e karbonit.
Samiti po mbahet në Cornwall të Mbretërisë së Bashkuar dhe marrëveshja pritet të arrihet pas paralajmërimeve nga historiani i natyrës Sir David Attenborough për shpejtësinë me të cilën po dëmtohet planeti tokë.
Lajmi për marrëveshjen u dha nga Shtëpia e Bardhë, ku u bë e ditur se liderët pjesëmarrës në samit u pajtuan për herë të parë të angazhohen për mbajtjen e ngritjes së temperaturës globale në 1.5 celsius.
Marrëveshja do të parashoh implementimin urgjent të disa politikave, ku ndër më e rëndësishmja do të jetë moslejimi i djegjes së qymyrit nga termocentralet në rast se nuk ekzistojnë pajisjet teknologjike për ta kapur emitimin e karbonit.