Presidentja e Kosovës Vjosa Osmani ka votuar gjatë mesditës në raundin e dytë të zgjedhjeve lokale që po mbahet të dielën në Kosovë.
Pas votimit, Osmani u bëri thirrje qytetarëve të votojnë për “një jetë më të mirë”.
“Sot është një ditë e rëndësishme dhe është me rëndësi që qytetarët t’i përgjigjen këtij detyrimi qytetar që nesër të kenë një jetë më të mirë në komunat e tyre. Shpresoj që si në të kaluarën të kemi një pjesëmarrje aktive dhe ky proces të konsiderohet demokratik dhe i lirë sikurse para një muaji”, ka thënë Osmani para mediave,” ka thënë Osmani, transmeton Gazeta Express.
Ajo ka falënderuar vëzhguesit, komisionerët, policët dhe gazetarët për punën e tyre gjatë ditës së sotme.